Hér er auglýsingins sem Kolka lék í vor. Þetta eru tvær svokallaðar veðurstiklur - stuttar auglýsingar sýndar á undan veðurfréttum - fyrir Union Investment í Þýskalandi.

Svo kíktum við inn á vefsíðu fyrirækisins að gamni í kvöld og sáum að það var komin ljósmynd af henni líka.

Við fórum í tjaldútilegu með Kolku fyrir um tveimur vikum. Veðrið lék við okkur og við skemmtum okkur mjög vel.

Við fórum meira að segja í hvalaskoðun á báti frá Húsavík. Kolka er sennilega fyrsti PON hundurinn sem fer í slíka ferð. Við sáum þrjár tegundir af hvölum, Hnúfubak, Hrefnur og Steypireyð sem er talinn vera stærsta spendýrið sem hefur lifað og er jafnvel talinn vera stærri en risaeðlurnar. Hvalirnir kepptust við að stökkva og taka djúpar dýfur nálægt bátnum. Kolka var frekar óörugg fyrstu fimm mínúturnar en varð fljótt örugg og forvitin um umhverfi sitt. Farþegarnir voru mjög hrifnir af henni og fékk hún því næga athygli. Við vorum mjög stolt af henni og var þetta mjög góð umhverfisþjálfun fyrir hana. Báturinn ruggaði nokkuð og hljóðin úr vélinni voru nokkuð öflug en Kolka stóð sig eins og hetja.

Við fengum að sjá mjög fallegt landslag í útilegunni enda ekki við öðru að búast af Íslandi og Kolka skemmti sér mjög vel, hljóp, hoppaði og skoppaði og brosti alla ferðina með öllu andlitinu eins og PON hundum er einum lagið.

Við erum búin að setja nokkrar myndir inn á myndasíðuna hér til vinstri.